Azərbaycanda dəfn mərasiminə gedən avtomobil yanıb

Tarix
03.05.2014
Oxunub
926 dəfə
Müəllif
temp-thumb
Azərbaycanda dəfn mərasiminə gedən avtomobil yanıb

Hadisə yerinə yanğınsöndürənlər çağırılıb.

Bakı-Şamaxı yolunda maşın yanıb.

Pedal.Az xəbər verir ki, Qobustan rayon Dövlət Yanğından Mühafizə Hissəsindən APA-ya verilən məlumata görə hadisə bu gün saat 12:00 radələrində Bakı-Şamaxı yolunun 70-ci kilometrliyində qeydə alınıb.

1946-cı il təvəllüdlü İbrahimov Vaqif Fərəc oğlunun idarə etdiyi 10-LM-330 dövlət nömrə nişanlı, “QAZ 3110” markalı minik maşını yolda hərəkətdə olarkən qəflətən yanmağa başlayıb.

Maşının mühərrikində baş verən yanğın qısa müddətdə avtomobili tamamilə əhatə edib.

Avtomobilin qapıları bağlandığı üçün sürücü və sərnişinlər yoldan keçən maşınların sürücülərinin köməyi ilə xilas edilib. 

Əraziyə yanğınsöndürənlər çağırılıb, yanğın söndürülüb.

Məlumata görə, sürücü Vaqif İbrahimov vəfat edən yaxın qohumunu məzarlığa dəfn etməyə aparan avtomobili müşayiət edirmiş. 

PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir