Bakıda nazir müavini və arvadı dəhşətli qəzada yaralanıb

Tarix
11.05.2014
Oxunub
592 dəfə
Müəllif
Bakıda nazir müavini və arvadı dəhşətli qəzada yaralanıb

Hadisə ilə bağlı araşdırma aparılır.

Mayın 10-na keçən gecə Bakı şəhərinin Nizami rayonu ərazisində baş vermiş dəhşətli qəzada yaralanan şəxslər nazir müavini və onun həyat yoldaşı imiş. 

Pedal.Az Lent.az-a istinadən xəbər verir ki, “VAZ 2107”-nin yolun əks hərəkət zolağına çıxması və yüksək sürətlə hərəkət edərək “Lexus”a çırpılması nəticəsində “Lexus”un sürücüsü, ekologiya və təbii sərvətlər nazirinin birinci müavini Firdovsi Əliyev ağır xəsarət alıb. 53 yaşlı F.Əliyevlə yanaşı onun həyat yoldaşı Arifə əliyeva da müxtəlif dərəcəli bədən xəsarətləri alıb.

Hadisə ilə bağlı başlanmış cinayət işinin istintaqını aparan Nizami rayon Polis İdarəsinin müstəntiqi Nicat Naibov Lent.az-a bildirdi ki, qəzadan sonra nazir müavini və həyat yoldaşı Bakıdakı özəl klinikalardan birinə yerləşdiriliblər. Hadisəni törədən “VAZ 2107”nin sürücüsü Tural Rəhimov isə 3 saylı şəhər xəstəxanasında müalicə olunub. 

T.Rəhimovun sərnişini olan iki gənc oğlan isə hadisə yerindəcə keçinib.


PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir