Cərimələrin sürücülərə faydası oldu

Tarix
17.05.2014
Oxunub
558 dəfə
Müəllif
Cərimələrin sürücülərə faydası oldu

“İndi bu rəqəm 150-yə enib”.

Bakı şəhəri ərazisində dayanma, durma, parketmə qaydalarının pozulmasının qarşısının alınması ilə bağlı Bakı şəhər Dövlət Yol Polisi İdarəsi əməkdaşları tərəfindən aparılan tədbirlər davam etdirilir. 

PEDAL.AZ SİA-ya istinadən xəbər verir ki, bu barədə Daxili İşlər Nazirliyi (DİN) Bakı şəhər Baş Polis İdarəsi Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovnik-leytenantı Vaqif Əsədov məlumat verib.

O bildirib ki, görülən inzibati tədbirlər artıq öz nəticəsini göstərir və bu kimi qayda pozuntularının sayı azalmaq üzrədir. Onun sözlərinə görə, əvvəllər gün ərzində dayanma, durma, parketmə qaydalarının pozulması ilə bağlı sürücülərə 300 inzibati protokol tərtib edilibsə, indi bu rəqəm 150-yə enib: 

“Düzgün park edilməyən avtomobillər evakuasiya edilir. Bort-kompüterlər vasitəsilə fotomaterial hazırlanır və yaxud yerindəcə sürücülərə inzibati qaydada protokol tərtib edilir. Artıq hiss olunur ki, sürücülər qaydalara riayət edilməsinə ciddi yanaşmağa başlayıblar. Görünür, yazılmış çoxsaylı inzibati protokollar və cərimələr istər-istəməz onların ailə büdcəsinə mənfi təsir edir. Onlar qanuni duracaqlardan istifadə edirlər ki, bu da çox müsbət haldır”.


PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir