Bakıda 7 maşın toqquşub, 1 nəfər ağır yaralanıb - FOTO

Tarix
29.05.2014
Oxunub
2836 dəfə
Müəllif
Bakıda 7 maşın toqquşub, 1 nəfər ağır yaralanıb - FOTO
Bakı. Fərahim Qasımov-APA. Paytaxtın Yasamal rayonu, Əsəd Əhmədov küçəsində 7 maşının iştirakı ilə zəncirvari yol nəqliyyat hadisəsi baş verib.

 

APA-nən məlumatına görə, baş verən qəzada bir nəfər ağır yaralanıb.

 Pedal.AZ APA-ya istinadən xəbər verir ki,

“Howo” markalı yanacaq daşıyan yük maşınının sürücüsü qəfil idarəetməni itirib. Sürücü əvvəlcə dayanacaqda dayanan “VAZ 2107” markalı minik avtomobilini vurub. Yük maşının vurduğu “Opel” qarşısında hərəkət edən “Mersedes”ə, “Mersedes” isə “Toyota”ya çırpılıb. Zərbənin təsirindən idarə etməni itirən “Toyota” dayanacaqda dayanan 26 yaşlı Ziya İbrahimovu vurub. Hərəkətini davam etdirən yanacaq daşıyan maşın daha sonra bir başqa “Mersedes” və “Nissana”a çırpılıb.

 

Dərhal hadisə yerinə Yasamal Rayon Dövlət Yol Polisinin əməkdaşları və Təcili Tibbi yardım gəlib. Yaralı 1 saylı şəhər kliniki xəstəxanasına aparılıb. Qəzanı törədən sürücü isə, hadisə yerindən qaçıb. Yararsız hala düşmüş avtomobillər evakuator vasitəsi ilə cərimə meydançasına aparılıb.

 

Şahidlərin sözlərinə görə, qəzaya “Howo” markalı yanacaq daşıyan maşının əyləc sistemində yaranan nasazlıq səbəb olub. Faktla bağlı araşdırma aparılır.


PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir