Qəzada ayağı qopanQəzada ayağı qopan əlil sürücü öldü - YENİLƏNİB – FOTO

Tarix
21.08.2014
Oxunub
1039 dəfə
Müəllif
Qəzada ayağı qopanQəzada ayağı qopan əlil sürücü öldü - YENİLƏNİB – FOTO

Faktla bağlı araşdırma aparılır.

Bakıda baş verən yol qəzasında xəsarət almış sürücü ölüb.
 
Pedal.Az xəbər verir ki, Binəqədi Rayon Polis İdarəsindən APA-ya verilən məlumata görə, 1961-ci il təvəllüdlü Rasim Quliyev aldığı ağır bədən xəsarətlərindən Klinik Tibbi Mərkəzdə vəfat edib.

10:15

Paytaxtın Binəqədi rayonunda ağır yol qəzası baş verib.

Pedal.Az APA-ya istinadən xəbər verir ki, hadisə Bakı-Şamaxı yolunun Sulutəpə qəsəbəsi ərazisindən keçən hissəsində qeydə alınıb.
 
İkinci qrup əlil, 53 yaşlı Rasim Quliyev idarə etdiyi VAZ -2109 markalı avtomobillə Şamaxıdan paytaxt istiqamətində yüksək sürətlə hərəkətdə olarkən idarəetməni itirərək avtomobili yol ayrıcına çırpıb.
 
Zərbə güclü olduğundan avtomobil yol ayrıcını aşıraraq yolun əks istiqamətinə düşüb. 

Baş verən qəzadan sonra sürücü Rasim Quliyev bir ayağını itirib. Hadisə yerinə Dövlət Yol Polisinin əməkdaşları cəlb olunublar. Yaralı 1 saylı şəhər kliniki xəstəxanasına aparılıb. Xəstəxanadan verilən məlumata görə, yaralının vəziyyəti kafi qiymətləndirilir. İlkin ehtimala görə, qəzanın baş verməsinə yüksək sürət səbəb olub. 

Faktla bağlı araşdırma aparılır.


PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir