İsmayıllıda iki avtomobil toqquşub - FOTO

Tarix
21.08.2014
Oxunub
571 dəfə
Müəllif
İsmayıllıda iki avtomobil toqquşub - FOTO

Ölənlər və xəsarət alanlar var.

İsmayıllı rayonunda ağır yol qəzası baş verib.

Pedal.Az APA-ya istinadən xəbər verir ki, Daxili İşlər Nazirliyinin saytına istinadən verdiyi məlumata görə, hadisə avqustun 20-də saat 10 radələrində İsmayıllı rayonunun Topçu kəndində qeydə alınıb.

Hacıhətəmli kənd sakini İlham Azayevin idarə etdiyi “VAZ-21063” və Bakı şəhər sakini Əliağa Həsənovun idarə etdiyi “Toyota” markalı avtomobillər toqquşub.

Nəticədə 1975-ci il təvəllüdlü İ.Azayev hadisə yerində dünyasını dəyişib, sərnişinləri - Bakı şəhər sakinləri Cavid Azayev, Xədicə Bağırzadə, Hacıhətəmli kənd sakini Minay Azayeva, habelə Ə.Həsənov və onun sərnişini - Bakı şəhər sakini Gülşən Şirəliyeva xəstəxanaya yerləşdirilib. 1985-ci il təvəllüdlü Cavid Azayev orada dünyasını dəyişib.

Qəza nəticəsində ölənlərin əminəvəsi olduqları bildirilir.

Faktla bağlı araşdırma aparılır.


PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir