Bakıda “cip”i divara yapışdırdılar – VİDEO

Tarix
21.08.2014
Oxunub
1218 dəfə
Müəllif
temp-thumb
Bakıda “cip”i divara yapışdırdılar – VİDEO

Dəhşətli qəza kameralara görüntüləndi.

Bu, kimlərəsə sıradan bir qəza kimi görünə bilər. Amma əslində, belə deyil. Bu hadisə Yasamal rayonu, Mikayıl Müşfiq küçəsində baş verib.

Görüntülər isə Daxili İşlər Nazirliyinin “Təhlükəsiz şəhər” İdarəsinin kameraları vasitəsi ilə qeydə alınıb.

Pedal.Az xəbər verir ki, Avtosfer.az-ın Baş Dövlət Yol Polisi İdarəsindən əldə etdiyi görüntüdə üzüaşağı sürətlə hərəkət edən “Hundai Acsent” markalı avtomobilin yolda təhlükəli manevrlər etdiyinin şahidi oluruq.

Çox güman ki, bu nəqliyyat vasitəsinin sürücüsü yola İsmayıl Qutqaşınlı küçəsindən qəflətən çıxıb və idarəetməni itirib. Sürücünün əl və ayaq tormozlarından istifadə etməsi vəziyyəti daha da qəlizləşdirir və yolun əks tərəfinə çıxan avtomobil ağır qəza törədir.

Həcmcə kiçik olsa da “Hundai” özündən böyük “Nissan-X-trail” markalı avtomobili düz ortasından vuraraq divara sıxır.

Həmin vaxt qəzaya uğrayan maşınların yanından onlarla maşın keçir və hər kəs də ağır qəza baş verdiyini görür.

Lakin bir nəfər də olsun maşını saxlayıb maraqlanmır, köməklik göstərmir. Bax, işin ən ağır tərəfi də budur ki, insanlar arasında laqeydlik getdikcə daha da genişlənir.

Əziz dostlar, unutmayın, o maşınlarda hər birimizin yaxınları, elə biz özümüz də ola bilərik. Kömək edək ki, bizə də kömək edən tapılsın...

 

PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir