Daha münasib Citroen - FOTO

Tarix
26.04.2014
Oxunub
743 dəfə
Müəllif
Daha münasib Citroen - FOTO

Pekin sərgisində təqdim edilən ən parlaq konseptlərdən biri Citroen C-XR krossoveri hesab edilə bilər. Avtomobilin ərsəyə gəlməsində Dongfeng şirkətindən olan çinli mühəndislər yaxından iştirak ediblər. Model sırasında bu avtomobil DS sırası premial krossoverlərindən bir qədər aşağıda yerləşəcək və kütləvi tələbat üçün daha münasib qiymətlə təklif ediləcək. Tezliklə model seriyaya buraxılacaq və Çin bazarında satışa çıxarılacaq.

 
Krossoverin yaraşıqlı dizaynını idman üslublu bamperlər, işıqdiod faraları, xromlanmış radiator barmaqlığı, damın qurtaracağında spoyler və qaz xaricetmə sisteminin ensiz boruları tamamlayır. Bunlardan başqa, xaricdə, bamperlər üzərində gümüşü taxmalar, şaquli işıqdiod gündüz işıqları, təkər tağlarının və ətəklərin plastik qoruyucuları və həmçinin 17 düymlük yüngül lehimli disklər diqqət çəkir.
 
Avtomobil avtomat ötürücü qutu, start-stop sistemi və 160 a.g. olan turbo benzin mühərriki ilə təchiz edilib.

PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir