Honda yeni sedanı göstərdi - FOTO

Tarix
27.04.2014
Oxunub
977 dəfə
Müəllif
temp-thumb
temp-thumb
temp-thumb
Honda yeni sedanı göstərdi - FOTO

“Honda” şirkəti digər ölkələrin bazarlarında “Accord” adı ilə tanınan “Spirior” modelini dəyişməyə hazırlaşır. O, yeni avtomobilin dizaynını Pekindəki beynəlxalq avtoşouda təqdim edilmiş parlaq konseptlə nümayiş etdirir. 

 
2009-cu ilin modelindən fərqli olaraq sedan Yaponiya və Avropa bazarları üçün olan versiyalara deyil, daha çox “Acura TLX” amerikan versiyasına bənzəyir. Çox güman ki, seriyalı avtomobilin istehsalına bu ilin sonlarında başlanacaq və bu, müştərək “Dongfeng Honda Automobile” müəssisəsində həyata keçiriləcək. 
 
Avtomobilin bir qədər konservativ və ciddi dizaynına daha çox aqresivlik qatmaq üçün istehsalçılar konseptə idman üslubunda hazırlanmış diodlu hərəkət işıqları olan qabaq bamper, yan ətəklər, torlu əlavəsi olan arxa bamper, qaz buraxma sisteminin yastı boruları və spoyleri olan baqaj qapağı quraşdırıblar. 
 
Böyük radiator barmaqlığı, xromlaşdırılmış dekor elementləri, qara aksentlər, diodlu fənərlər və 7-milli ikirəngli təkər diskləri ümumi üsluba yaxşı uyğunlaşıb. 
 
Gələcək nəsil “Honda Spirior” daha qabaqcıl texnologiya, təkmilləşdirilmiş dinamika və yüksək rahatlıq səviyyəsi ilə fərqlənəcək. Seriyalı model də konsept kimi, 2,4-litrlik 4-silindrli mühərrik və 8-pilləli avtomatik sürət qutusu alacaq.

PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir