Porsche Macan 4 silindrli olacaq - FOTO

Tarix
27.04.2014
Oxunub
946 dəfə
Müəllif
Porsche Macan 4 silindrli olacaq - FOTO

Bu, istehsalı 19 il əvvəl dayandırılmış “968” modelindən sonra “Porsche” sırasında ilk 4-silindrli mühərrik olacaq. Yeni mühərriki olan krossoverin satışı Avropadan başlayacaq, Amerikada isə həmişəki kimi V-şəkilli “altılıq” yerləşdiriləcək.

 
Qeyd edilməlidir ki, gələcəkdə “Porsche” daha bir 4-silindrli mühərrik istehsal edəcək, lakin o sıralı sxemlə deyil, “Porsche” üçün ənənəvi olan oppozit sxemlə hazırlanacaq. Hazırda gələcək nəsil “Boxster” və “Cayman” üçün hazırlanır. 
 
Çox güman ki, yaxın qohum “Macan” və krossover “Audi Q5”-dən mənimsənilmiş mühərrik təkmilləşdirilmiş 2-litrlik “TFSI”-dır. Mühərrik 240 a.g. və 350 Nm fırlanma anı verir. Bu, kompakt krossoveri 100 km/saata 6,9 saniyə sürətləndirmək üçün kifayətdir. Maksimal sürət isə 220 km/saatdır.
 
Digər versiyalar kimi, 2-litrlik “Macan” da tam ötürücü və 7-pilləli sürət qutusu ilə təchiz ediləcək. “Porsche”-nin mühəndislərinin hesablamalarına görə, qarışıq dövrdə yanacaq sərfiyyatı 100 km-ə 7,3-7,5 litrdir. 
 
Modelin başlanğıc versiyası kimi istehsal edilmiş 4-silindrli “Macan” 19-düymlük deyil (“Macan S”), 18-düymlük təkər alacaq. Bundan əlavə, yeni “Macan” daha güclü versiyalardan qaz buraxma sisteminin boruları ilə fərqlənir: 4 ədəd əvəzinə, 2 ədəddir.

PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir