Bakıda əhli-kef qadın qəza törətdi – FOTO

Tarix
30.04.2014
Oxunub
1051 dəfə
Müəllif
temp-thumb
temp-thumb
temp-thumb
Bakıda əhli-kef qadın qəza törətdi – FOTO

Xanım sürücü qəzadan öncə maşını bir neçə dəfə bardürlərə çırpıb.

Bakıda sərxoş halda sükan arxasına keçən xanım sürücü yol qəzası törədib. 

PEDAL.AZ ANS PRESS-ə istinadən xəbər verir ki, paytaxtın Səbail rayonu ərazisində qeydə alınan hadisə zamanı Talışınskaya Lalə Ramiz qızının idarə etdiyi “Hyundai” markalı minik maşını ilə Məmmədov Kamran Vaqif oğluna məxsus “Toyota” markalı maşın toqquşub.

Yol patrul xidməti əməkdaşlarının verdiyi məlumata görə, hadisə vaxtı xanım sürücü sərxoş vəziyyətdə Zərifə Əliyeva küçəsi ilə hərəkətdə olub. Lakin içkinin təsirindən diqqətini toplaya bilməyən xanım yolun Rəşid Behbudov küçəsi ilə kəsişməsindəki işıqforun qadağanedici tələbinə məhəl qoymayaraq yoluna davam etmək istəyib. Bu da sonda qəzanı qaçılmaz edib.

Hadisə şahidlərinin sözlərinə görə isə, xanım sürücü qəzadan öncə, yəni işıqfora qədər olan müddət ərzində maşını bir neçə dəfə bardürlərə də çırpıb.

Hadisə zamanı xanım sürücü və maşınında olan digər bir xanım yüngül bədən xəsarətləri alıb. Hər iki yaralıya ilkin tibbi yardım göstərilib.

PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir