Azərbaycanda daha bir yol polisi rüşvətə görə biabır oldu – VİDEO

Tarix
30.04.2014
Oxunub
1373 dəfə
Müəllif
temp-thumb
Azərbaycanda daha bir yol polisi rüşvətə görə biabır oldu – VİDEO

O, sürücüdən pul alaraq cibinə qoyur.

Sosial şəbəkələrdə yenidən yol polisinin rüşvət alması ilə bağlı video paylaşılıb. 

PEDAL.AZ ANS PRESS-ə istinadən xəbər verir ki, həmin video Facebook sosial şəbəkəsində paylaşılıb.

Videodan görünür ki, yol polisi sürücünü saxlayıb. O, sürücüdən pul alaraq cibinə qoyur. 

Məsələ ilə bağlı Baş Dövlət Yol Polis İdarəsinin ictimaiyyətlə əlaqələr şöbəsinin rəisi Kamran Əliyev bildirib ki, bu barədə hələlik onlarda məlumat yoxdur. 

Onun sözlərinə görə, hələ həmin video ilə tanış olmayıb. Lakin istənilən halda bu, qanun pozuntusudur:

“Ola bilər ki, həmin video çoxdan çəkilib və həmin əməkdaşımız işdən çıxarılıb. Bəlkə də təzə çəkilib. Dediyiniz məsələni araşdırarıq”, - deyə K.Əliyev vurğulayıb.

Rəisin sözlərinə görə, hazırda Azərbaycanda yol polisi sürücülərdən cəriməni nağd şəkildə ala bilməz:

“Bu, qanunla yolverilməzdir. Əgər hansısa yol polisi vətəndaşdan pul alırsa, mütləq həmin şəxs idarəyə bildirsin. Dərhal rüşvət alan yol polisi cəzalandırılacaq”.

PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir