Ən sürətli sportkar buraxılır - FOTO

Tarix
30.04.2014
Oxunub
713 dəfə
Müəllif
temp-thumb
temp-thumb
temp-thumb
Ən sürətli sportkar buraxılır - FOTO

Britaniyanın Trident Performance Vehicles şirkəti özünün dünyada ən sürətli və qənaətcil dizel sportkarı hesab etdiyi Iceni modelinin seriya buraxılışına başlayıb. Yeni avtomobil üç modifikasiyada – rodster, fastbek (Iceni Magna) və universal (Iceni Venturer) kuzovlarda buraxılacaq.

 
PEDAL.AZ 4charx.com-a istinadən bildirir ki, bütün sportkarlar 6,6 litrlik turbo V8 mühərrik və altı pilləli avtomat ötürücü qutu ilə təchiz edilib. Mühərrik gücünə görə üç variantda olacaq. Baza variantı 400 a.g. və 948 Nm fırlanma anı hasil edir. Model 3,7 saniyədə ilk 100 km/saat sürətlənə bilir. Maksimal sürət 320 km/saat təşkil edir.
 
Əlavə ödəniş etməklə mühərrikin gücü 436 a.g. (1286 Nm), xüsusi trek paketi ilə isə 670 a.g. (1422 Nm) çatdırıla bilər. Tam doldurulmuş yanacaq çəni ilə Iceni 3,2 km yol qət edə bilər.
 
Trident Iceni opsiya dəstinə salonun dəri, alkantara və karbonla işlənməsi, isidilən yan güzgülər və qabaq şüşə, elektrik ötürməli kürsü və həmçinin yeddi düymlük displeylə Clarion multimedia sistemi daxildir.
 
Yeni modelin qiymətləri 96 min funt sterlinqdən (təxminən 161,3 min dollardan) başlayır.

PEDAL.AZ saytda yerləşdirilən banner və reklam məzmununa görə məsuliyyət daşımır.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir